Evakuimi ka filluar në momentin kur forcat ukrainase po avancojnë në kundërofensivën e tyre në jug të vendit.
AFP raporton se zyrtarë pro-rusë në rajonin e okupuar të Ukrainës, Kherson, kanë filluar me evakuimin e civilëve.
Këta zyrtarë pro-rusë në Kherson janë vënë në këtë funksion nga Moska, kurse është konfirmuar evakuimi i civilëve.
Vladimir Saldo, guvernatori pro-rus i Khersonit, sot ka thënë se civilëve u është ndaluar hyrja në këtë rajon në një periudhë kohore prej shtatë ditësh.
Kujtojmë që mbrëmë zyrtarët pro-rusë kanë paralajmëruar për situatë të vështirë, si pasojë e kundërofensivës ukrainase që pritet të zgjerohet në të “ardhmen e afërt”.
Moska mbrëmë ka konfirmuar se do të evakuohen qytetet në anën e djathtë të lumit Dnipro, kurse sot në mëngjes zyrtari pro-rus i Khersonit, Vladimir Saldo, pranoi se do të evakuohen 60 mijë persona që do të dërgohen në Rusi dhe në anën e majtë të lumit Dnipro.
Sipas tij, evakuimi do të zgjasë gjashtë ditë, kurse një zyrtar tjetër pro-rus, Kiril Stremousov theksoi se “beteja për Khersonin do të fillojë në një të ardhme të afërt”.
“Kërkoj nga ju që fjalët e mia t’i merrni me seriozitet dhe të kuptoni që duhet të fillojë sa më shpejt evakuimi”, shtoi Stremousov.
Evacuation from Kherson region in full swing — Kremlin-installed officials say they are preparing for battle, aim to move 50-60K people "deeper into Russia" in a week, and entry into the region has been banned to civilians. Putin also plans to meet Sec Council today 🧐 pic.twitter.com/2SborTue66
— Mary Ilyushina (@maryilyushina) October 19, 2022
