Komenti i tij vjen pasi Polonia dhe NATO thanë se vendi mund të jetë goditur nga një raketë e mbrojtjes ajrore ukrainase, duke theksuar se nuk ka “asnjë tregues” se ishte sulm i qëllimshëm.
Zelensky shtoi se Ukraina “duhet të ketë akses” në vend, ku dy persona vdiqën dhe katër u plagosën.
Presidenti ukrainas, Volodymyr Zelensy tha se nuk ka asnjë dyshim se raketa që shkaktoi shpërthimin në Poloni të jetë ukrainase, raporton agjencia e lajmeve Interfax.
Megjithatë, kryeministri polak tha se “nuk mund të përjashtojë mundësinë” se sulmi pak kilometra nga kufiri ukrainas të ketë qenë “provokim”, shkruan Sky News.
Kryeministri polak Mateusz Morawiecki tha: “Ne nuk mund të përjashtojmë mundësinë që bombardimi i infrastrukturës ukrainase pranë kufirit ishte një provokim i qëllimshëm.
Në fillim të shpërthimit mediet perëndimore raportuan se raketa që ra në Poloni ishin ruse, ndërsa sot shefi i NATO-s, Jens Stoletenberg tha se raketa që kishte rënë në Poloni i përkiste Ukrainës dhe theksoi se Aleanca nuk ka indikacione se Rusia synon të sulmojë NATO-n.
