Pasi Elon Musk e mbajti premtimin e tij për të hequr shenjën blu të verifikimit të “trashëguar” së llogarive të Twitter javën e kaluar, shumë llogari të profilit të lartë tani duket se janë ri-verifikuar – duke përfshirë një numër të famshëm të cilët kanë vdekur.
Ka të ngjarë që rishfaqja e shenjave të tyre blu të jetë pjesë e një skeme më të gjerë, por të paparalajmëruar, nga Twitter për të rivendosur verifikimin tek përdoruesit me mbi një milion ndjekës.
Por klikoni mbi shenjat blu të llogarive të personave të famshëm të cilët kanë vdekur dhe Twitter do t’ju tregojë se ata janë verifikuar “sepse ata janë abonuar në Twitter Blue dhe kanë verifikuar numrin e tyre të telefonit”, raporton The Verge, transmeton DTV.
Michael Jackson, Chadwick Boseman, Kobe Bryant, Barbara Walters, Anthony Bourdain dhe Paul Walker janë vetëm disa nga shumë yjet e vdekur që kanë rifituar statusin e tyre të verifikimit.
Platforma madje pretendon se gazetari dhe kolumnisti i shquar Jamal Khashoggi po shpenzon 8 dollarë në muaj pavarësisht se është vrarë në vitin 2018.
Ky është mesazhi i kompanisë tek llogaria e Kobe Bryant, por në këtë kontekst duket se zbatimi në llogaritë e përdoruesve të vdekur është i pamenduar.
Në disa raste mund të jetë e vërtetë që organizatat që menaxhojnë llogaritë e përdoruesve të vdekur kanë aplikuar për verifikim. Por shumë nga llogaritë që po ri-verifikohen kanë qenë të papërdorura prej vitesh.
DTV
