Xhemajl Rexha, kryetar i Asociacionit të Gazetarëve të Kosovës (AGK), ka publikuar një fotografi nga një lokal në veri të Kosovës, ku thotë se janë strehuar ai dhe rreth 30 gazetarë të tjerë shqiptarë dhe serbë.
Përmes një postimi në Twitter, Rexha ka shkruar se serbët e maskuar po hedhin bomba me benzinë drejt ushtarëve të NATO-s.
“Me rreth 30 gazetarë, shqiptarë dhe serbë kemi mbetur në një kafe afër ndërtesës së komunës. Serbët e maskuar po hedhin bomba me benzinë drejt forcave të NATO-s gjatë gjithë kohës”, ka shkruar ai.
