Një bashkatdhetar është rrahur brutalisht këtë javë me shkelma e grushte në komunën e Istogut.
Dhuna është ushtruar nga katër vëllezërit Visoqi.
Albert, Arben, Egzon dhe Nderim Visoqi e kishin përcjellur mërgimtarin derisa në një moment ai ishte ndalur me veturë pranë një lokali.
Në pamjet e siguruara shihet se viktima po shoqërohej nga një familjare e tij.
Përderisa i njëjti po hipte në veturë, vëllezrit Visoqi i dalin në pritë dhe e sulmojnë.
Këta të fundit janë arrestuar nga policia e Kosovës.
Gazeta merr vesh se arsyeja e rrahjes dyshohet të ketë lidhje me një hakmarrje mes tyre që para dy viteve.
