Presidenti i Serbisë Aleksandar Vuçiq, tha sot se në vitin 2023 nga buxheti për shëndetësi janë shpenzuar 4.4 miliardë euro.
Ai iu referua investimeve të Serbisë në Kosovë, duke thënë se “nuk i lejohet as të thotë sa para janë ndarë”.
Vuçiq tha se Serbia shpenzoi më shumë “se buxhetet e Malit të Zi dhe Republika Srpska së bashku” vetëm për atë zonë.
Duke folur për paratë e ndara për Kosovën, Vuçiq premtoi masa të reja për ngritjen e natalitetit.
“Serbët në Kosovë e dinë se sa e rëndësishme është të mbrojnë vatrën e tyre dhe duan të kenë më shumë fëmijë. Por nëse i ndihmojmë të marrin pajisje për bebe… Punësimi ka kontribuar. Ne gjithmonë pajtohemi me këtë, vetëm për të mbajtur parasysh, kur bëhet fjalë për Kosovën, me të gjitha alokimet tona. Jo sepse sjell rezultate në masën e plotë, por sepse e dimë se kontribuojmë në mbijetesën e popullit tonë. Nuk mund t’ju them as sa para shpenzojmë për nevojat tona për Kosovën. Kështu që jam i lumtur dhe nuk dua të flas për ato shifra, por është një shumë e madhe parash”, tha Vuçiq.
