Policia e Shtetit ka publikuar planin e masave të ndërmarra për mbarëvajtjen e protestës kombëtare të thirrur nga opozita ditën e martë.
Policia bën me dije se në terren do të jenë mbi 1100 forca policia, duke përfshirë FNSH-në, Shqiponjat dhe Gardën e Republikës.
Dera e kryeministrisë do të mbyllet me dyer metalike, ndërkohë që një kordon me efektivë do të rrethojë selinë e qeverisë.
Gjithashtu bëhet me dije se përgjatë të gjithë bulevardit “Dëshmorët e Kombit” policia ka montuar kamera me rezolucion të lartë me qëllim monitorimin e protestës.
Protesta nis nga ora 17:30.
