Policia e Kosovës ka arrestuar një person i cili kërkohej me urdhër arrest ndërkombëtar për një vrasje të kryer në Oslo gjatë vitit 2021.
Policia përmes një komunikate për media, ka bërë të ditur se i dyshuari është arrestuar të mërkurën në Ferizaj.
“Personi i arrestuar, me inicialet V.A., i lindur në vitin 1989, ishte i shpallur në kërkim ndërkombëtar nga autoritetet norvegjeze për veprën penale “vrasje” të kryer në Oslo më 07.10.2021.” – thuhet tutje në komunikatë.
I arrestuari ka poseduar edhe shtetësi norvegjeze përveç asaj kosovare, ndërsa i janë gjetur edhe armë zjarri dhe pasaporta të shteteve të tjera, të cilat dyshohet se janë të falsifikuara.
“Ndaj personit të arrestuar do të vazhdojnë procedurat e parapara për raste të tilla.” – thuhet në fund të komunikatës.
