Aktori 79 vjeçar i “Squid Game”, O Yeong-su u dënua për ngacmim seksual pasi puthi me forcë dhe preku një kolege në teatër.
Ai u bë i njohur në mbarë botën dhe fitoi një çmim “Golden Globe” për performancën e tij në serialin e famshëm televiziv të Netflix.
Aktori u dënua me tetë muaj burgim me kusht për dy vjet dhe iu urdhërua të plotësojë 40 orë kurse mbi dhunën seksuale nga Gjykata e Rrethit Seongnam të Gjykatës së Qarkut Suwon.
Gjatë daljes nga gjykata, aktori iu tha gazetarëve se do të apelonte vendimin. Ai ka shtatë ditë për të apeluar ose vendimi do të mbahet në fuqi.
Aktori u akuzua në vitin 2022 pa paraburgim për abuzim seksual ndaj një gruaje, e cila nuk është identifikuar, në dy raste.
Incidentet ndodhën kur ai qëndronte në një zonë rurale për një performancë teatrale në vitin 2017, në një shteg ecjeje dhe para banesës së viktimës, respektivisht, sipas Gjykatës së Qarkut Suwon.
Womenlink, një grup për të drejtat e grave në Korenë e Jugut, mirëpriti vendimin dhe i bëri thirrje O-së të kërkonte falje nga viktima. “I pandehuri ngjan me të tjerët që kanë kryer akte të ngjashme të dhunës seksuale në teatër në të kaluarën, të cilët përpiqen të paraqesin dhunën e tyre seksuale si ‘favor’ dhe ‘miqësi’”, tha grupi në një postim në X.
Kontroversi rreth akuzave për ngacmim seksual e bëri atë të tërhiqet nga një film i ardhshëm në Korenë e Jugut.
Suksesi i shfaqjes së tij e ka shtuar ndikimin e jashtëzakonshëm të Koresë së Jugut në kulturën popullore botërore, duke pasuar famën globale të fituar nga grupe si BTS dhe filmi fitues i çmimit ‘Oscar’, “Parasite”.
Figura të shumta në industrinë e filmit të Korenë së Jugut, duke përfshirë regjisorin e ndjerë Kim Ki-duk dhe aktorin Cho Jae-hyun, janë përballur me akuza për abuzim seksual.
