Presidentja sllovene, Natasha Pirc Musar ka mbështetur përpjekjet e paraardhësit të saj Borut Pahor për t’u bërë i dërguari i ardhshëm i BE-së për dialogun ndërmjet Kosovës dhe Serbisë, raporton Euronews.
Ajo e cilësoi atë si një kandidat ideal, pasi siç thotë ajo, sllovenët e dinë mirë situatën në rajon dhe nuk kanë motive të fshehura.
Gjatë konferencës ndërkombëtare për Ballkanin Perëndimor muajin e kaluar, ish-presidenti i Sllovenisë shprehu sërish dëshirën për të marrë këtë pozicion dhe u mbështet nga kryeministri Robert Golob.
Pahor së fundmi njoftoi se po punon për një draft për të vazhduar dialogun dhe për të koordinuar me Përfaqësuesin e Lartë të BE-së për Politikën e Jashtme dhe të Sigurisë, Giuseppe Borella, vendet anëtare të BE-së dhe vendet e Quinte, përfshirë SHBA-në, Britaninë, Francën, Italinë dhe Gjermaninë.
I dërguari i posaçëm për dialogun ndërmjet Beogradit dhe Prishtinës emërohet nga Përfaqësuesja e Lartë e BE-së për Politikë të Jashtme dhe Siguri, por vendimin përfundimtar e marrin liderët e BE-së.
