Deputeti i pavarur i Kuvendit të Kosovës, Haki Abazi, tha se kryeministri Albin Kurti me refuzimin e djeshëm për Asociacionin e ka izoluar edhe më shumë Kosovën.
“Shumë qartazi në fatkeqësinë e vendit dhe qytetarëve të vendit që sot në qeverinë e Kosovës ai ka shpallur një izolim të ri kundrejt Bashkimit Evropian. Ata nuk do të lëvizin nëse Kurti nuk e mban fjalën që ua ka dhënë atyre. Jam i bidnur, shpresoj për hatrin e vendit që të jetë ndryshe por ata nuk do të lëvizin.”, tha Abazi.
Ai tha se Kurti e ka dhënë zotimin para deputetëve evropian.
Abazi tha se Kurti përdorë politikën e viktimizimit.
“Ideja është viktimizim, na tradhtuan ne e dhamë tokën e Manastirit.”, shtoi ai.
Tutje Abazi e portretizoi Kurtin si një njeri që vendos vet për gjithçka.
“Nuk ka qeveri të Kosovës, fatkeqësia është këtu se kemi një njeri të vetëm dhe një politikë të vetme, të cilën e udhëheq z.Kurti. Nuk ka qeveri aty. Anjë prej ministrave nuk guxon as gojën me hap për me pas mendim. Fatkeqësi është sado që të irritohen partizanët e milicisë së Facebook-ut, duhet ta kuptojmë se demokracia në Kosovë është e abortuar. Parlamenti i Kosovës nuk është në funksion.”, u shpreh ish-deputeti i Kurti.
