Një politikan vendës nga partia e krahut të djathtë Alternativa për Gjermaninë (AfD) u plagos në një sulm me thikë në Mannheim të martën vonë, raportoi të mërkurën agjencia gjermane e lajmeve DPA.
Incidenti vjen vetëm disa ditë pas një sulmi tjetër me thikë në një demonstratë antiislame në të cilën u vra një polic.
Sulmuesi me thikë u arrestua menjëherë pas incidentit rreth orës 20:45, të martën, shkruan Reutersi.
Dega lokale e AfD tha se politikani i plagosur ndodhet në spital dhe se autori mund të jetë një aktivist radikal i majtë, sipas DPA-së.
Policia lokale nuk pranoi të komentonte dhe zyra lokale e AfD-së nuk iu përgjigj menjëherë kërkesës së Reuters, për intervistë.
