Një aeroplan i goditur nga “turbulenca të forta” ka bërë një ulje emergjente në Brazil, me 30 persona të raportuar të lënduar.
Sipas mediave të huaja, Air Europa Boeing 787-9 Dreamliner po fluturonte nga Madridi në Montevideo kur ndodhi incidenti në ajër, tha linja ajrore.
Fluturimi UX045 u devijua në aeroportin e Natal në Brazilin verilindor në rrugën e tij për në kryeqytetin uruguaian, tha kompania spanjolle në X, dikur Twitter.
Ajo shtoi se pasagjerët që pësuan lëndime “po merrnin vëmendjen e nevojshme”.
Siç bëhet e ditur më tej, aeroplani, i cili kishte 325 pasagjerë në bord, u përball me turbulencat mbi Atlantik kur pothuajse kishte arritur në bregun brazilian, tha një zëdhënës i Air Europa.
Aeroplani u ul normalisht dhe u prit nga një flotë autoambulancash.
Zyrtarët e aeroportit thanë se disa pasagjerë kishin nevojë për ndihmë mjekësore dhe u dërguan në spitalin më të afërt.
Një ekip mjekësor lokal tha për mediat braziliane se ata trajtuan të paktën 30 pasagjerë të kombësive të ndryshme dhe se 10 prej tyre u dërguan në spital.
Pacientët kishin pësuar lëndime gjatë turbulencës, duke përfshirë në kokë dhe prerje në fytyrë.
#INCIDENT | At least 30 people were injured when Air Europa flight UX045, a 787-9 bound for Montevideo from Madrid, encountered turbulence en route early this morning.
The flight subsequently diverted to Natal, Brazil following the encounter.
📹@Pichipastoso via X
Read more at… pic.twitter.com/r9t1sfwNf9
— AviationSource (@AvSourceNews) July 1, 2024
