Leonardo Altobelli, një mjek italian 91-vjeçar në pension, thotë se tani më në fund është i kënaqur dhe do të ndërpresë studimet pasi të ketë marrë diplomën e tij të pesëmbëdhjetë.
“Ndalova së studiuari“, i tha ai mediave lokale, një ditë përpara se të merrte një diplomë në kriminologji në departamentin e ri për shkencat kërkimore në Universitetin e Foggia.
Altobelli ishte mjek i mjekësisë familjare deri në moshën shtatëdhjetë vjeçare, por edhe kryebashkiak i qytetit të tij të lindjes, Trojës, pranë Foggia.
Ndër 14 diplomat e tjera universitare janë: diplomë juridike, shkenca politike, letërsi italiane, filozofi, pedagogji (dy herë), shkenca bujqësore, shkenca dhe teknologji ushqimore, turizëm, histori, bioteknologji, arkeologji dhe së fundmi një master në kriminalistikë.
CV-ja e tij universitare përfshin shtatë diploma, duke përfshirë ato në mjekësinë sociale, mjekësinë sportive, ligjin shëndetësor dhe mësimdhënien e mjekësisë së përgjithshme.
“Unë jam studenti më i vjetër në botë, por pas kësaj diplome do të pushoj së studiuari. Tani do t’i përkushtohem shkrimit. U them të rinjve ta duan atë që bëjnë. Të përqafojnë punën e tyre dhe ta bëjnë atë me buzëqeshje dhe qetësi. Gjithmonë kam ndier pasion për marrjen e njohurive të reja dhe për këtë arsye e quaj veten ‘student i botës’“, tha Altobelli.
