Në Gjykatën Themelore të Pejës ka përfunduar seanca gjyqësore ndaj të akuzuarit, Urim Hyseni, i dyshuar për vrasjen e nënës së tij.
Pas përfundimit të seancës ka pasur heshtje të plotë nga avokati dhe familjarët e tij, pasi asnjëri prej tyre nuk ka dashur të japë deklaratë për mediet.
Seanca ishte zhvilluar e mbyllur për publikun dhe mediet pas kërkesës së mbrojtësit të viktimave, e që është pajtuar edhe prokuroria edhe avokati i të akuzuarit.
Avokati i tij, po ashtu, ka kërkuar që seanca të mbahet e mbyllur për publikun, duke theksuar se do të diskutohet një ekspertizë psikiatrike mbi gjendjen shëndetësore të klientit të tij.
