Vdes një 4-vjeçare në spitalin e Gjakovës, ishte në gjendje të rëndë shëndetësore
Ka vdekur një katër-vjeçare në Spitalin e Përgjithshëm në Gjakovë, gjendja shëndetësore e së cilës ishte e rënduar.
Këtë e ka konfirmuar zëdhënësi i Policisë së Kosovës për rajonin e Gjakovës, Sheremet Elezaj.
Viktima ishte pranuar në spital dy ditë më parë, ndërsa sot ka ndërruar jetë.
“Me datën 17.02.2024 viktima, femër e lindur në vitin 2020 është dërguar në Spitalin e Përgjithshëm në Gjakovë për trajtim mjekësor. Nga aty pastaj është dërguar në QKUK për shkak të gjendjes së rënduar shëndetësore. Sot jemi njoftuar se e njëjta ka ndërruar jetë”, tha Elezaj.
Rasti është nën hetime, ndërsa trupi i pajetë është dërguar për obduksion.
Ndërsa lidhur me rrethanat se cili ishte shkaku i gjëndjes së rëndruar, ende nuk dihet shkaku, bënë të ditur Elezaj.
“Aktualisht jemi duke ndërmarrë të gjitha veprimet e nevojshme hetimore lidhur me rastin. Lidhur me shkaktarët që kanë dërguar në vdekjen e viktimës do të presim raportin mjeko-ligjor nga IML”, thotë Elezaj.
