Policia e Kosovës ka nisur hetimet lidhur me një rast vdekje në Prizren, ku viktima është gjetur i shtrirë në rrugë.
Përmes raportit 24 orësh, Policia ka bërë me dije se trupi i pajetë është dërguar për obduksion.
Rasti ka ndodhur në rrugën “Ismet Jashari”.
“HETIM I VDEKJES- Rr. Ismet Jashari, Prizren 29.03.2024 – 15:17. Raportohet se viktima mashkull kosovar, është gjetur i shtrirë në rrugë. Në vendngjarje kanë dalë njësitë përkatëse policore dhe njësiti i emergjencës ku mjeku kujdestar ka konstatuar se është pa shenja jete. Me vendim të prokurorit trupi i pajetë është dërguar në obduksion”, thuhet në raport.
Zëdhënësi i Policisë së Kosovës për rajonin e Prizrenit, Shaqir Bytyqi, i ka thënë mbrëmë Gazetës Express se bëhet fjalë për një 68 vjeçar.
“Viktima është I.D.1956. Hetuesit policor kanë bërë ekzaminimin e vendit të ngjarjes ndërsa me urdhër të prokurorit trupi i pa jetë dërgohet me Institutin e Mjekësisë Ligjore në Prishtinë”, ka thënë Bytyqi.
