Janë gjetur 70.570 franga zvicerane dhe 9.370 euro. Po ashtu një test në kartëmonedha ka dëshmuar kontaktin me kokainë.
Zyrtarët doganorë të Lindau kanë parë një sasi të konsiderueshme parash në një autobus në distanca të gjata që vinte nga Cyrihu të enjten, transmeton albinfo.ch. Sipas një deklarate nga zyra kryesore doganore në Ulm, kartëmonedhat ishin në bagazhin e një udhëtari kosovar, të shpërndara në dy zarfe në çantën e laptopit, si dhe në portofolin e tij.
Një ekzaminim më i detajuar në zyrë ka zbuluar gjithsej 70.570 franga zvicerane dhe 9.370 euro. Po ashtu një test fshirjeje droge në kartëmonedha ka dëshmuar kontaktin me kokainë, shkruan schwäbische.de. Megjithatë, një kontroll i afërt i bagazhit të transportuar nuk ka zbuluar ndonjë provë të mëtejshme të substancave të ndaluara.
Ndaj udhëtarit është ngritur kallëzim kundërvajtës për mosdeklarim të parave të gatshme me dashje, përcjell albinfo.ch. Paratë janë sekuestruar për shkak të mbetjes së kokainës të gjetur në to.
Si pjesë e të ashtuquajturit procesi i kleringut, tani po bëhet një përpjekje për të përcaktuar origjinën e parave.
