Lideri i Frontit Evropian, Ali Ahmeti, në një press konferencë tha se nuk do të lejohet asesi të shkilet mbi legjitimitetin e popullit. Ahmeti shtoi se Fronti Evropian ka triumfuar në 20 komuna, me një diferencë me mbi 30 mijë vota përballë opozitës shqiptare.
Kjo mendësi, ky veprim vazali, na kthen në kohën para më shumë se dy dekadave kur komunitetet diskriminoheshin, trajtoheshin si qytetarë të rendit të dytë dhe nuk respektoheshte vullneti i votës së lirë të komuniteteve, por të tjerë vendosnin për ne. Të dashur miq, legjitimiteti është shtylla e stabilitetit, sigurisë, mirëqenjes, barazisë. Prandaj, ne, bashkë, po nisim betejën e respektimit të frymës së Marrëveshjes së Ohrit që bazohet në legjitimitetin dhe të drejtën zakonore për përfaqësim nga ata që e kanë legjitimitetin e komuniteteve”, tha Ali Ahmeti.
